Сари: Јуве не напредува, но не гледам проблем
Тренерот на италијанскиот хегемон Јувентус – Маурисио Сари изјави дека не гледа проблем во лошата изведба на „бјанконерите“ во последно време.
Тимот од Торино извлече 1-1 против Милан синоќа во првиот натпревар од полуфиналето за Купот на Италија, одигран на „Сан Сиро“. Голот го постигна Кристијано Роналдо во 90-тата минута од пенал.
Сепак, настапот на Јуве беше слаб и во комбинација со поразите од Верона и Наполи, ја става под знак прашалник работата на стратегот.
– Се справивме подобро во однос на додавањата и играњето во одбрана, но недостасува нешто во последната третина. Тоа е процес и одиме напред. Примивме неколку лесни голови, вклучително и сега. Центрирањето беше прилично бавно и одбраната можеше да се намести подобро. Игравме лошо против Верона, но сега успеавме да добиеме позитивен резултат на турнир. На моменти бевме премногу бавни и не мораше да оставаме толку простор за Златан Ибрахимовиќ во шеснаесетникот. Не бевме доволно агресивни во одбраната, рече Сари по мечот.
Тој сепак рече дека не е загрижен од формата на тимот.
– Во животот, она за што треба да се грижите е здравјето. Ова е нормална фаза во која се наоѓаме. Незамисливо е еден тим да биде постојано во раст. Тоа е спорт каде многу нешта зависат од физичката и психолошката состојба на поединечните играчи. Нашиот раст престана во последните три недели. Дозволуваме лесни погодоци. Во исто време, сепак, ние примаме само два гола повеќе од најдобрата одбрана во Серија „А“, така што не гледам дека тоа е проблем“, додаде тој.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје