Саем за деца во Скопје Сити Мол
Од денеска во наредните три дена во Скопје City Mall ќе се одржи 7-от Саем за деца. Сите посетители од 17 до 20:00 часот во недела ќе имаат шанса да креираат и да научат многу нови работи преку креативните работилници и интерактивните игри.
Годинава новитет се креативните работилници и школата за уметничко цртање со уметникот Љупчо Бојаров, дружењето со рептили заедно со Војо, настапите на Златно Славејче, интерактивните игри за деца доктори, забавните турнири со LEGO коцки и консолите PS4.
Уметникот и сопственик на училиштето за уметничко цртање „Ателје Бојар“, Љупчо Бојаров, кој ќе ја води работилница изјави дека обуката е бесплатна и наменета за деца од 5 до 12-годишна возраст. За да се биде дел од неа потребна е, вели, само желба за совладување на тајните на уметничкото цртање.
- Целта на работилницата е децата да се запознаат со три различни техники и тоа сликање на ќерамичка подлога (на чинија), сликање на природен камен и сликање со витраж бои на стакло. Очекувам да се оформат три групи од по 12-тина деца, а во зависност од тоа колку ќе има заинтересирани можно е да се работи и четврта техника – цртеж со пастел и дрвени бојци, вели Бојаров.
Воедно, децата ќе имаат можност да научат нешто повеќе за традиционалните македонски занаети преку креативни работилници каде ќе се декорираат колачиња, ќе се изработува накит со разни техники, плетење и везење во соработка со Занаетчиската комора на Град Скопје.
На музичката сцена, најмалите со своите родители ќе можат да уживаат во песните на популарните Златни славејчиња. Популарниот меѓународен проект од едукативен карактер Мече Болница, кој минатиот Саем за деца беше вистински хит повторно ќе може да се погледне од петок до недела во Скопје Сити Мол.
Овој проект е создаден од студенти по медицина, а целна група се децата, особено оние од предучилишна возраст. Секое дете има можност, својата кукла – мече, да ја однесе во импровизирани медицински оддели (амбуланта, хирургија, лабораторија и аптека), каде се извршуваат лекарски прегледи и медицински зафати.
Посетителите, освен огромната забава, наградните игри и изненадувањата, ќе имаат можност да ги искористат големите попусти за време на 7. Саем за деца и родители во продавниците за детска облека, производи и играчки.
Ново на Сител
-
Намалување на цените на горивата
-
Царинските службеници запленија техничка стока, цигари, електронски цигари, лековити билки
-
Тројца тинејџери биле приведени вчера откако кај нив полицијата пронашла марихуана
-
Мицкоски на Европскиот самит во Салцбург: Иднината на Македонија е во ЕУ, посветеноста ја докажавме со бројни отстапки и чекори
-
Осум лица аплицираат за две места во ДИК
-
Муцунски: Подготвена нацрт - верзијата на Законот за надворешни работи, која наскоро ќе биде презентирана во јавноста
-
Струмичанка тешко повредена во сообраќајка
-
СЗО ќе евакуира околу 1.000 жени и деца од Појасот Газа во болници низ Европа