Саем на мед во Струга

Во организација на Сојузот на пчеларски здруженија на Македонија, денеска и утре во Струга ќе се одржи 3. Саем на мед.

Најавено е учество на околу 20 излагачи од Скопје, Штип, Радовиш, Кочани, Битола, Прилеп, Охрид, Дебар, Виница, Македонски Брод и Струга. Ќе има и гости од Србија и Албанија.

Штандовите ќе бидат поставени пред зградата на Општината. Граѓаните ќе имаат прилика да купат мед и други пчелни производи директно од производителите, а на неколку од штандовите ќе се продава и сертифициран органски мед.

Во организацијата на Саемот е вклучено и здружението „Матица“ од Струга. Се очекува на отворањето да се обратат градоначалникот Мустафа Забзун и претседателот на „Матица“, Шефит Шемшедини. 

Целта на оваа традиционална манифестација е да се промовираат пчелните производи и да се иницира поголема застапеност на пчеларството во Македонија.