САД воведоа санкции за ирански физички и правни лица поради иранската ракетна програма

САД воведоа нови санкции против Иран поради неговата балистичка ракетна програма и неговите „штетни“ влијанија на Блискиот Исток. 

Стејт департментот воведе санкции за 18 физички и правни лица, поврзани со иранската програма за балистички ракети и со елитните воени сили на Револуционерната гарда.

Санкциите беа воведени неколку часа, откако администрацијата на САД потврди пред Конгресот дека Иран технички ја почитува меѓународната спогодба за неговата нуклеарна програма и може да продолжи со олеснување на санкциите, воведени во врска со таа програма.

На удар на новите санкции, кои значат замрзнување имот и спречување на Американците да работат со тие физички и правни лица, се најдоа седум групи и пет лица, кои и помагале на иранската Револуционерка гарда, како и две групи, кои се поврзано со иранската ракетна програма.

На санкциите се подложени и транснационални криминални групи со седиште во Иран и три лица, кои имаат врска со нив. 

Иранскиот Парламентот изгласа претходно денеска дека итно ќе работи на изработка на закони, со кои ќе се овозможи згоемување на фондот за ракетната програма и Револуцинерната гарда, како одговор на „авантуризмот на Вашингтон во регионот“.