САД укинуваат визи за студенти кои учат на далечина
САД повеќе нема да издаваат визи за странски студенти запишани во образовни институции кои ќе продолжат да предаваат само на далечина во новата учебна 2020 година, поради новиот коронавирус.
Студентите кои веќе се наоѓаат на територијата на САД „мора да ја напуштат земјата или да преземат други мерки, како што се запишување во институција каде што учат и физички одат на часови за да го задржат својот легален статус“, се додава во соопштението на американската имиграциска и царинска полиција.
Кога училиштата избираат таканаречен хибриден модел – предавања во живо и курсеви преку интернет – тие ќе треба да потврдат дека нивните странски студенти навистина се запишани во што е можно повеќе предавања во живо за да го задржат своето право на престој во земјата.
Мерката се однесува на визите Ф1 (за академски курсеви) или М1 (за стручно оспособување).
Американските универзитети, каде има во просек 5,5 проценти странски студенти и зависат многу од нивната школарина, затворени се од март и се префрлија на учење од далечина во обид да ја запрат пандемијата.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје