САД ставија 33 кинески фирми на црна листа
Американското Министерство за трговија соопшти дека додава 33 кинески компании и други институции на економската црна листа поради злоупотреби на човековите права и загриженоста за американската национална безбедност, што вклучува оружје за масовно уништување и други воени активности.
Американските медиуми коментираат дека црната листа е последниот обид на администрацијата на Доналд Трамп да ги нападне компаниите поврзани со воените набавки и да го казни Пекинг за третманот на муслиманските малцинства, а доаѓа во време кога лидерите на Комунистичката партија во Пекинг открија детали за планот за воведување закон за национална безбедност на Хонг Конг.
Одделот за трговија соопшти дека девет компании и институции се санкционирани за соучесништво во кршењето на човековите права и злоупотребите извршени во кинеската кампања на репресија, масовно произволно притворање, присилна работа и високо-технолошки надзор против Ујгурите и други.
Министерството за трговија додаде и 24 владини и трговски организации на економската црна листа поради овозможување набавка на предмети што може да ги користи кинеската војска.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање