САД распоредуваат војници во Литванија на границата со Белорусија
Во Литванија денеска пристигна контингент американска војска со тенкови кои во текот на два месеца ќе бидат дислоцирани на границата со Белорусија. Распоредувањето се случува во време на зголемени тензии меѓу Запад и Русија со можното испраќање руска војска во Белорусија, јави дописникот на МИА од Вашингтон.
Војниците се префрлени од Полска, за реализација на претходно планирани воени вежби, треба да започнат на 15 септември. Според литванските власти, вежбите се од „одбранбен карактер и не се насочени против никој од соседите, вклучувајќи ја и Белорусија“.
Претставник на литванската армија изјави дека во мисијата, која ќе трае до ноември, ќе бидат ангажирани 500 американски војници и 40 транспортни средства како тенковите „Абрамс“ и оклопните транспортери „Бредли“.
Според министерот за одбрана на Литванија, Рајмундас Короблис, воените вежби во Литванија ќе се одвиваат од 14 до 25 септември и на нив ќе учествуваат 1.000 воени лица и воени авиони од Италија, Франција, Германија, Полска и други земји.
Не се соопштува дали војниците ќе останат во Литванија по 25 септември.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот