САД не се откажуваат од надлетувања и пловидби во спорното Јужно Кинеско Море
САД ќе продолжат со надлетување на територијата на Јужното Кинеско Море, а бродовите и авионите во состав на Пацифичката флота ќе продолжат да крстосуваат низ тоа море за да ја докажуваат потребата за слобода на сообраќај во меѓународните простори.
Ова на конференција за печат во Канбера, Австралија, го соопшти генерал Лори Робинсон, командант на пацифичкиот дел на воената авијација на САД.
Изјавата е одговор на категорично соопштениот став на кинескиот министер за надворешни работи Ванг Ли, кој вчера на својата годишна прес-конференција рече дека Кина нема да дозволи нарушување на своето суверено право над териториите во големото Јужно Кинеско Море.
Минатиот месец на новоизградената воена и цивилна населба во подрачјето на Спратли островите, Пекинг допреми и бродови опремени со ракети земја-воздух, што САД и сојузниците од регионот го протолкуваа како знак за интензивирање на милитаризацијата во подрачјето на спорното море.
Генералот Лори Робинсон изјави дека не верува во можноста да дојде до пресметка меѓу воените сили на САД и Кина во овој дел на светот, бидејки Пекинг и Вашингтон лани потпишаа прецизен договор за избегнување на случајни или испровоцирани инциденти.
Воените авиони на САД по надлетување на Јужноѕо Кинеско Море за слетување ја користат и австралиската воена база во Дарвин.
Генералот Робинсон побара и другите заинтересирани држави да им се придружат во маневрите за докажување на правото на слободен сообраќај. Таа соопшти дека во источниот Пацифик во меѓународните води е се поприсутна и руската воена морнарица.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот