САД ќе и вратат на Јапонија 4.000 хектари од островот Окинава
САД и враќаат на јапонската Влада близу 4.000 хектари од јужниот остров Окинава, што претставува прв ваков чекор од 1972 година, соопшти американскиот Стејт департмент, јави ДПА.
- Со ова се намалуваат 20 проценти од територијата која ја користи САД на островот, што истовремено ја гарантира нашата способност да ги исполнуваме должностите согласно договорот за безбедност, изјави претставникот на Стејт департментот Џон Кирби.
Вратената земја се наоѓа во северниот дел на Окинава и досега беше користена за обуки на американската војска.
- Враќањето е пример за духот на соработката во американско-јапонскиот сојуз и е дел од должностите за прегрупирање на американските сили во Јапонија, забележа Кирби.
Церемонијата за враќањето на делот се одржа вчера во Токио во присуство на американската амбасадорка Каролин Кенеди и јапонскиот премиер Шинѕо Абе.
Друга церемонија е планирана за денеска и на неа ќе присуствува генералниот секретар на јапонската Влада Јошихиде Суга, кој исто така е и министер кој е одговорен за базите на Окинава.
Американците го заземаа островот за време на Втората светска војна и ги вратија на Јапонија во 1972 година, но таму останаа распоредени американските војници и тоа со години создава тензии меѓу локалните жители.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово