САД го прекинаа емитувањето на „Радио Слободна Европа“ во Русија, Украина, централна Азија и Источна Европа
САД го прекинале договорот за сателитски услуги за емитување на „Радио Слободна Европа/Радио Слобода“ (РСЕ/РС)) на територијата на Русија и околниот регион, изјави синоќа Стивен Капус, извршен директор на медиумот.
Блокадата е дел од наредбата на претседателот Доналд Трамп за затворање на Агенцијата за глобални медиуми на САД (УСАГМ), која го финансираше РСЕ.
- Денеска дојдовме на работа и видовме дека УСАГМ ги исклучила сателитските услуги за покривање на територијата на Русија, изјави Капус, јавија дел од западните медиуми.
Ова се однесува на 24-часовниот телевизиски канал „Настојашче времја“ (Тековно време), што се емитува на руски во Русија, Украина, Централна Азија, Источна Европа и други региони. Според Капус, УСАГМ го известил медиумот дека сателитските договори за емитување на каналот во Европа се раскинати.
Капус истакна дека РСЕ/РС има и други начини как да допре до руската публика.
- Но… ова не беше акција на руската Влада. Ова е наредба од УСАГМ, изјави тој. Смета дека администрацијата на Трамп „би сакала да нè затвори“.
Работата на РСЕ беше суспендирана на 15 март, откако беше прекинат федералниот грант за финансирање на изданието. Оваа одлука следеше по указот на претседателот на САД за ликвидација на агенцијата (под неа исто така е и „Гласот на Америка“) и уште шест други медиуми. Трамп побара „максимална ликвидација на неуставните компоненти и функции“ на овие организации и значително намалување на нивниот персонал. Неколку дена подоцна, РСЕ доби судска одлука за привремена забрана за прекин на грантот, додека Гласот на Америка засега не работи.
Кери Лејк, советничка на директорот на УСАГМ минатата недела соопшти дека одлуката за суспензија на финансирањето на RFE/RL е поништена.
Ново на Сител
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка
-
Архиепископот Охридски и Македонски г.г. Стефан чиноначалствуваше со литургијата во Стоби по повод 1700 од Првиот вселенски собор
-
Падна кран во Битола
-
ОЈО бара Арсовска да им презентира докази
-
Македонски тим од неврохирурзи и невролози добитници на 2-ра награда на Меѓународниот конгрес по невронаука | ФОТО
-
Приведен 42-годишник од Тетово, управувал со возило под дејство на алкохол