САД блокирале сметки на земји спонзори на тероризмот, во вредност од 2,3 милијарди долари
Американското Министерство за финансии минатата година ги блокирало сметките на неколку земји спонзори на тероризмот, во вкупна вредност од 2,3 милијарди долари, се посочува во годишниот извештај на оваа институција, што е поднесен во Конгресот, пренесе ТАСС.
Сметки со околу 2,3 милијарди долари, поврзани со четири (веќе се три) држави спонзори на тероризмот, се блокирани во согласност со економските санкции, усвоени од САД на 31 декември 2015 година, пишува во извештајот. Во него се зборува за Куба, која од крајот на мај минатата година е извадена од вашингтонскиот список на земји под санкции, а се вклучени и Иран, Сирија и Судан.
САД на кубанските власти во текот на 2015 година им замрзнале сметки во вредност од 243,2 милиони долари, на исламската република за 1,98 милијарда долари, на Судан за 30,9 милиони долари и на Сирија за 25,9 милиони долари.
Реализацијата на програмата за борба со меѓународните терористички организации доведе до блокирање на сметки на територијата на САД во вредност поголема од 37 милиони долари, се дополнува во извештајот.
Конкретно, на Ал Каеда и се замрзнати сметки во вредност од 13 милиони евра, на Гардата на исламската револуција (елитните ирански вооружени сили) за 14,1 милиони долари, на либанската група Хезболах за 8,2 милиони долари, на палестинското движење Хамас за 1,25 милиона долари, и на терористичката група Исламска држава за 131.300 долари.
Ново на Сител
-
Тројца Израелци убиени во вооружен напад на граничен премин меѓу Израел и Јордан
-
ИДФ: Повеќе од 50 ракети истрелани од Либан врз северниот дел на Израел
-
АХВ казни нерегистрирани производители на сирење во Прилеп и Скопје
-
Димитриевски: Да се трудиме да останеме сплотени и единствени како држава
-
Во пресрет на дебатата, Трамп се заканува со затвор за вмешаните во „изборната кражба“
-
Шеф на ЦИА: Западот не треба да се плаши од руските нуклеарни закани
-
Приведени криминалци во Скопје барани со потерници за извршени тешки кражби
-
Мицкоски: Оваа генерација има обврска да ги исправи грешките и да создаде иднина за сите наредни