Рускиот патријарх освети нова црква во Париз

Патријархот на Руската православна црква освети денеска нова црква во близина на Ајфеловата кула во Париз, за која американски медиуми нагласуваат дека е „контроверзен симбол на влијанието на Путин во Европа“.

Патријархот Кирил предводеше осветување на црквата Света Троица на брегот на Сена каде по тој повод се собраа припадници на руската заедница во Франција.

Американски медиуми јавуваат дека големата бела црква со златна купола тешка осум тони, е централна градба на новиот комплекс вреден 100 милиони евра во сопственост на руската влада. Според нив, Путин се заложил за тој проект предизвикувајќи протести на групи за заштита на правата.

Откако таа локација беше продадена на Русија во 2008 година, дипломатските односи меѓу Франција и Русија се влошени поради акциите на Москва во Сирија и во Украина, заклучуваат во извештаи американски медиуми.