Русија забрани странски летови поради коронавирусот
Русија од утре забранува „редовни и чартер летови“ од Русија кон други земји и обратно, како дел од напорите да се спречи ширењето на коронавирусот. Забраната стапува во сила денеска на полноќ по московско време, со исклучок на летовите кои ги враќаат Русите од странство во татковината, согласно указот објавен на веб-страницата на премиерот Михаил Мишустин. Русија пријави повеќе од 650 случаи на инфицирани со новиот коронавирус, претежно во престолнината Москва, град со над 12 милиони жители.
Градоначалникот на Москва, Сергеј Собјанин, претходно неделава го предупреди рускиот претседател Владимир Путин дека вистинскиот број на случаи можно е да е „значително поголем“ отколку што е соопштено.
Во телевизиското обраќање до нацијата, Путин ги советуваше Русите да останат дома и рече дека на работниците треба да им се дозволи да останат дома од понеделник до петок следната недела и оти тие денови ќе им бидат платени.
Русија воведе и строги мерки за карантин за секој што влегува во земјата од странство и за секој што е можно да бил изложен на лица заразени со вирусот. Владата одлучи да не воведува карантин како оној во Кина и некои европски земји.
Ново на Сител
-
Зошто пожарот во „Пулс“ беше толку смртоносен?
-
Тема на денот со премиерот Христијан Мицкоски
-
Истрагата за пожарот - убиец проширена со седумина полициски службеници
-
Притвор за приведените полициски службеници
-
Продолжен притвор
-
Владата препорачува утре да биде неработен ден во Кочани
-
Манев: Палчо запали цигара откако ја закопавме Вања, ги чистеше лопатите со спреј за да прикрие траги
-
Приведени 7 полициски службеници