Русија повторно побара седница на Советот за безбедност на ОН за бомбардирањето на НАТО на Југославија
Првиот заменик постојан претставник на Русија во ОН, Дмитриј Полјански, изјави дека Москва побарала состанок на Советот за безбедност на ОН за НАТО бомбардирањето на СР Југославија во 1999 година, но дека руските дипломати сè уште го чекаат одговорот на претседавачот, јави дописникот на МИА од Белград.
Полјански рече дека Русија на 25 март испратила официјално писмо до јапонската мисија која претседава со Советот за безбедност на ОН, соопшти РТС.
– Писмото е испратено до сите членки на Советот за безбедност и чекаме официјален одговор, рече Полјански на седницата на Советот за безбедност на ОН, пренесува Тасс.
Во понеделникот, Советот за безбедност не расправаше за нападот на НАТО врз СРЈ во 1999 година, бидејќи за вклучување на таа тема во дневниот ред гласаа недоволно членови на тоа тело.
Во процедуралното гласање на дневниот ред за таа точка гласаа три членки на Советот за безбедност: Русија, Кина и Алжир, а останатите 12 беа воздржани: Франција, Велика Британија, САД, Еквадор, Гвајана, Јапонија, Малта, Мозамбик, Република Кореја, Сиера Леоне, Словенија и Швајцарија. За усвојување беа потребни девет гласа.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп