Русија го заостари контроверзниот Закон за странски агенти
Русија одлучи да го направи построг контроверзниот Закон за странски агенти. Отсега сите организации или поединци кои примиле каква било поддршка од странство или се под некаков облик на странско влијание, ќе бидат гледани како странски агенти.
Законот стапува на сила на почетокот на декември. Тој е прифатен со мнозинство гласови во рускиот Парламент. Досега, руското законодавство можеше да прогласи невладини организации за странски агенти, само доколку се финансирале со пари од странство.
Критичарите со недели предупредуваа на заострувањето, што сега се оствари. Постои страв од тоа руското правосудство да преземе уште повеќе политички мотивирани мерки против членови на опозицијата и неистомисленици, бидејќи новиот закон е формулиран прилично нејасно.
„Сега навистина секој може да биде прогласен за странски агент“, пишува независниот портал Медуза, а и самиот со месеци се наоѓа во соодветниот регистар на руското Министерство за правда.
Независни медиуми се жалат дека поради законот, изгубиле важни огласувачи и затоа повеќе не можат да се финансираат. На лица означени како странски агенти сега им е забрането да држат настава во руски училишта.
Од почетокот на војната во Украина, Русија има сè порепресивен третман на критичарите во сопствените граници и на активистите за човекови права. Голем дел независни медиуми се блокирани или престанаа со работа поради притисок од властите, наведуваат медиуми.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.