Романија доби нова проевропска влада
Новата проевропска коалициска влада на Романија предводена од социјалдемократскиот премиер Марсел Чолаку синоќа положи заклетва во романскиот парламент.
Полагањето заклетва и свечената прва седница на владата следеше откако парламентот од 466 места ја одобри новата влада со 240 гласа за и 143 против, објавија романските медиуми.
Претседателот Клаус Јоханис го назначи Чолаку за премиер откако три прозападни партии постигнаа договор за владејачка коалиција чија цел е да ги спречи екстремно десничарските групи да влезат во владата.
- Влегувате во тежок период со нови обврски, порача Јоханис во честитката до Владата. „Ви посакувам успех во сè што наумивте да направите, но, пред сè, сакам да успеете за Романија и Романците.
Луѓето очекуваат решенија, стабилност и влада која цврсто ја одржува траекторијата на Романија“. Јоханис рече дека сите со кои разговарал барале продолжување на проевропскиот пат на Романија.
Владата, која вклучува пет нови министри, беше формирана во услови на политички превирања поттикнати од откритијата за руско злобно влијание што доведе до поништување на претседателските избори откако промосковски аутсајдер победи во првиот круг.
Една од првите задачи на владата ќе биде да одреди датум за нови претседателски избори.
Минатата недела градоначалникот на Букурешт Никусор Дан кој е независен политичар изјави дека ќе се кандидира на претседателските избори.
Ново на Сител
-
Кумановец чувал елени во штала без одобрение и дозвола - Следува кривична пријава
-
Захарова: НАТО се обидува да ја претвори Молдавија во центар за снабдување на Украина со оружје
-
Сопственикот и архитектот на хотелот во Турција кој се урна во земјотресот осудени на 18 години затвор
-
Во несреќата на азербејџанскиот авион во Казахстан загинаа 38 лица
-
Не застанал на полициско предупредување па удрил во полицаец - Уапсен 48 годишен скопјанец
-
Екипите на ДПИ на терен, се вршат контроли на цените на производите
-
Укината забраната за сообраќај на тешки товарни возила на патот Кичево - Гостивар, преку Стража
-
Спасовски: Обраќањето на Сиљановска Давкова не понуди визија за иднината на државата