Роковник на ДИК: МИОА и МНР да достават податоци за вработените
Министерството за информатичко општество и администрација, според Роковникот за изборни дејствија во пресрет на предвремените парламентарни избори на 5 јуни, од денеска треба да достават податоци за државната и општинската администрација, како и за јавната администрација до ДИК. Рокот за доставување на податоците е пет дена.
Исто така и Министерството за надворешни работи во рок од пет дена треба да достави податоци за дипломатите, вработените во соодветните Дипломатско-конзуларни претставништа, односно конзуларните канцеларии.
Државната изборна комисија завчера го усвои Роковникот за изборните дејствија во пресрет на предвремените парламентарни избори на 5 јуни.
Според Роковникот, Избирачкиот список јавно ќе биде објавен на 25 април, а во рок од 15 дена граѓаните ќе можат да проверат дали се на списокот. До 9 мај трае пријавувањето за гласање на македонските државјани кои живеат во странство односно за гласање во 7-та изборна единица. Избирачкиот список треба да биде заклучен на 19 мај.
Од Избирачкиот список, според досегашните информации, ќе бидат избришани 1.135 починати лица.
Партиите, пак, кандидатските листи ќе треба да ги заклучат на 11 мај. Изборната кампања почнува од 16 мај.
Ново на Сител
-
Мерки на општина Атина поради најавените високи температури
-
Туфегџиќ: Зошто по секоја цена се инсистираше Александар да биде дел од оваа постапка?
-
Утре и во петок многу топло со високи температури
-
Одбележана годишнината од раѓањето на претседателот Борис Трајковски
-
„Јапонската вежба со одење“ го намалува крвниот притисок
-
Сиљановска-Давкова: Имав пријатен разговор со премиерот на Бугарија, потребно е меѓусебно да се разбираме, почитуваме и помагаме
-
Муцунски во Хаг: Единството е најсилната алатка за справување со заедничките закани
-
Порастот на температурите ги зголемува ризиците од труење со храна, да се направи правилен избор при нејзина набавка