Резултати од државната матура: Средната оценка од екстерните испити е 3,78 и е повисока од лани
Првичните резултати од двата екстерни испита од годинашната државна матура се пратени до училиштата, а денеска напладне ги објави и Државниот испитен центар (ДИЦ) и секој кандидат може да ги види своите, електронски со најава на http://rezultati.dic.edu.mk.
– Средната оценка на екстерните испити од прелиминарните резултати е 3,78 и е повисока во однос на минатата година кога изнесуваше 3,61, информираше ДИЦ кој резултатите ги објавува 12 дена порано од законскиот рок.
Следува период на приговори – заклучно со 5 јули учениците може да поднесуваат приговори во училиштата. Резултатите од приговорите ДИЦ ќе ги објави на 11 јули. Увидот во тестовите лично од кандидатите ќе биде на 13 јули во ДИЦ со претходна најава и закажување термин телефонски на 12 јули.
За дополнителни информации матурантите може да се информираат од училишните матурски комисии во своите училишта и на www.matura.gov.mk.
Државната матура оваа година се реализираше во согласност со договорот со средношколците, односно два екстерни, два интерни предмети и проектна задача и скратени испитни програми.
Првиот екстерен и задолжителен испит – Мајчин јазик и литература (македонски, албански или турски јазик) кандидатите го полагаа на 4 јуни, а на 13 јуни го полагаа вториот екстерен испит, кој е изборен од предметите математика, странски јазик (англиски, француски, германски или руски), естетика и филозофија.
За полагање на државната матура во јунската сесија беа пријавени 15 899 кандидати (7135 од гимназии, 8504 од стручни и 260 од уметнички училишта).
Матурантите кои не ја положиле државната матура или не во целост, ќе имаат втора можност во августовската сесија кога двата екстерни испита ќе се полагаат на 10 и 12 август.
Ново на Сител
-
Две лица повредени во вооружен инцидент во трговски центар во Малме
-
Русија привремено ги запира испораките гас за ЕУ преку „северен ток“
-
Нов пакет американска воена помош за Украина
-
Американската амбасадорка Брнз и градоначалникот Ганиу го промовираа плоштадот „Вудро Вилсон“ во Општина Чаир
-
Во Центар Жупа правото на глас го остварија 29 болни и немоќни лица
-
Рускиот регулатор ги казни ТикТок, Телеграм, Зум, Дискорд и Пинтерест
-
Започна 13. издание на фестивалот „МакеДокс“, вечерва почнува програмата „Земја во фокус“
-
Кривична пријава за правен субјект и четири физички лица за криумчарење на 7000 килограми канабис