Реми на Холандија и Белгија, Белорусија ја изненади Грција

 Во пресрет на квалификациските натпревари за Светското фудбалско првенство 2018, синоќа се одиграа два пријателски натпревара.

 

На „Амстердам Арена“ домаќинот Холандија и соседот Белгија одиграа без победник 1:1. Деви Класен ја доведе Холандија во водство со гол од пенал во 38.минута, а Јаник Караско во 82.минута го изедначи резултатот.

 

Победникот на средбата во Атина меѓу домаќинот Грција и Белорусија го реши Сјархеј Паличевич уште во 14.минута кој донесе радост на белоруските навивачи.