Рекордна температура во Шангај - 40,9 степени Целзиусови

Во Шангај, кинески град со најголем број жители, денеска е регистрирана рекордно висока температура од 40,9 степени Целзиусови.

Болниците примија голем број луѓе со здравствени проблеми предизвикани од горештината, јавуваат државни медиуми.

- Ова е најтопол ден во Шангај од почетокот на регистрирање температури од 1872 година, соопшти градската Метеоролошка служба. Во градот е објавено „црвено предупредување“.

Властите ги повикаа граѓаните да останат во домовите и да избегнат долготраен престој на отворено.