Рекорден пораст на заразени со Ковид-19 во Индија
Индија веќе осум дена по ред бележи рекорден пораст на бројот на заразени со коронавирус, откако во последните 24 часа се потврдени уште 19.459 заболени лица, соопшти индиското Министерство за здравство.
Властите во државата Карнатака најавија задолжително носење електронски алки за лицата кои се наоѓаат во домашна изолација, откако било забележано дека оваа мерка воопшто не се почитува. Во текот на викендот во главниот град на оваа држава, Бангалоре се потврдени над илјада новозаразени и седум смртни случаи. Таквата ситуација предизвикала загриженост кај властите на Карнатака, каде досега бројките во врска со епидемиолошката ситуација биле релативно ниски во споредба со другите индиски држави.
Како што објави Си Ен Ен, во Индија во последните шест дена се регистрирани над 100.000 нови случаи на зараза со коронавирус.
Според официјалните податоци на индиското Министерство за здравство, во земјата од почетокот на епидемијата се потврдени 548.318 заразени лица, починале 16.475, а повеќе од 320.000 се излекувани.
Ново на Сител
-
Таравари го разреши директорот на Кумановската болница
-
Анестезиолог во ВМА: Тешка е здравствена состојба на повредените од Кочани
-
Трошоците за превоз и сместување за семејствата на пациентите повредени во Кочани, кои се лекуваат во странство целосно покриени од Владата
-
По убиството, Палчо запалил цигара и отворил телефон
-
На автопатот Скопје – Велес одземени возила поради истечена регистрација од скоро една година
-
АЦВ за снимањето со дронови при вчерашните собири: Прекршувањето на правилата под изговор „не сме знаеле” е неприфатливо
-
На студентските собири на УКИМ донирани 415.724 денари, УСС ги уплатил на сметката на Црвен крст
-
Во Шведска транспортирани двајца повредени во пожарот во Кочани