Рекорд на Мијура, игра фудбал и на 50 години

Легендарниот Јапонец Казујоши Мијура уште еднаш испиша историја во модерниот фудбал. Мијура кој е роден во 1967 година одигра 54 минути изминатиот викенд во нерешениот резултат на Јокохама и Нагасаки, а ФИФА објави дека поставил нов рекорд.

Казујоши Мијура стана највозрасниот играч во историјата на професионалниот фудбал, со 50 години и седум дена, надминувајќи го рекордот на сер Стенли Метјуз, кој во далечната 1965 година како играч на Стоук одиграл натпревар против Фулам. Метјуз тогаш имал 50 години и девет дена.

Популарниот „Кинг Казу“ е професионален фудбалер од 1986 година, а оваа сезона му е 32 во кариерата.

Мијура за јапонската репрезентација играше од 1990 до 2000 година, а на 89 натпревари има постигнато 55 голови.