Реконтруиран покривот на светниколското училиште „Кирил и Методиј“
Заврши реконструкцијата на покривната конструкција на Општинското основно училиште (ООУ) „Кирил и Методиј“, инвестиција на Општина Свети Николе.
Портпаролот на Општина Свети Николе, Драги Миланов денеска информира дека по повеќе од пет децении, на Општинското основно училиште „Кирил и Методиј“ е заменет стариот и дотраен покрив од азбестни плочи со современи панели кои целосно одговараат на стандардите за енергетска ефикасност и заштита на животната средина.
- Ова е реализација на уште еден проект кој е многу значаен за осовременување на условите за настава за учениците, како и за заштита на здравјето на децата и наставниците. Локалната самоуправа издвои средства во висина од четири и пол милиони денари за санирање на овој дамнешен проблем, вели Миланов.
Тој истакна дека реконструиран кат добија и средношколците во гимназијата „Кочо Рацин“, каде што од општинскиот буџет се променети прозорците, а во ООУ „Даме Груев“ во село Ерџелија со средства од Министерството за образование завршена е реконструкцијата на стариот покрив, променети се вратите и прозорците и целосно е уреден внатрешниот дел со цел учениците да имаат современа настава во ова училиште.вдј/14:50
Ново на Сител
-
Општина Аеродром: ДУП-от за Лисиче предвидува само една зграда, два парка и решава важни комунални прашања
-
Приведени крадци, одземеното возило вратено на сопственикот
-
Државен завод за ревизија: Неефикасно управување и стопанисување со државниот недвижен имот
-
Германска влада: Украина ги исполнува условите да преговара за пристапување во ЕУ
-
Костадиновска Стојчевска поднесе претставка против Африм Гаши бидејќи прво ја прочитал заклетвата на албански
-
Советот на Општина Аеродром го донесе деталниот урбанистички план за дел од населбата Лисиче
-
Приведен криминалец баран по централна потерница, осуден на 10 години затвор
-
Meџити: Во новото мнозинство ќе бидат тројца-четворица пратеници од Европски фронт