Регионална ревија на песни,музика и игри од Повардарието „Велес 2016“

Во организација на Здружението на пензионери на Велес, а во соработка со Здруженијата на пензионери  од Повардарието и Сојузот на Здруженијата на пензионери на Македонија, денеска во салата „Бели Мугри“ во Велес се одржа 14 Регионална ревија на песни музика и игри „Велес 2016“.

 

На ревијата со староградски песни,ора и музика настапија околу 200 учесници  од пеачките групи  пратени со  мали народни оркестри при Здруженијата на пензионерите од Регионот на Повардарието:од Гевгелија,Богданци,Валандово,Демир Капија,Неготино,Кавадарци со две пеачки грипи и домаќините, од Велес.

 

Како што ни изјави за МИА Веле Алексоски претседател на Здружението на пензионерина Велес, целта на манифестацијата која е веќе традиционална  е пензионерите да покажат што знаат и умеат и воедно да се дружат со песна,музика и ора.

 

- Ние при Здруженијата имаме разни Комисии како за  спорт,за културно забавен живот и други комисии преку кои нашите членови имаат убава можност да покажат што знаат и умеат.Ако тоа не го сториле во текот на работниот ден тоа можат да го направат сега како пензионери и да уживаат преку исполнувањ на песни музика и ора и други културни содржини. Воедно истовремено и да се дружат  со останатите наши членови,а што е  и цел на овие комисии  и на овие регионални ревии на песни, а  кои  стануваат се’ попривлечни и интересни за пензионерите, а од година на година со се’ поголем број на учесници и публика, потенцира Алексоски.

 

Инаку, најдобрите од Регионалната ревија ќе замат учество на Републичката ревија на песни,музика и игри,а понатаму најдобрите ќе гостуваат и кај пензионерските здруженија во Словенија,Србија и други балкански,а годинава и во некои од Европските земји каде живеат Македонци, најави Алексоски.