Речиси илјада заболени и 13 починати од Ковид-19 вчера во Косово
Во Косово во минатите 24 часа продолжи неколкунеделниот тренд на пораст на бројот на заболени и починати од Ковид-19, со 963 нови заразени и 13 пациенти кои подлегнаа на болеста.
Според последниот извештај на Националниот институт за јавно здравство на Косово (ИКШПК), вклучително вчерашните случаи, досега во земјата се потврдени вкупно 27.851 носител на коронавирусот и 798 жртви на пандемијата.
Последното деноноќие како излекувани од заразната болест се евидентирани 177 пациенти, со што бројката на лица кои ја совладале болеста достигна 16.862.
Според официјалните податоци на здравствените власти, бројката на активни носители на вирусот во Косово за прв пат надмина десет илјади и моментно изнесува 10.191.
Вкупно од почетокот на пандемијата, вклучително вчерашните 2.056, во лабораторијата за микробиологија на ИКШПК и во овластените приватни клиники се извршени 115.794 тестови.
Поради, како што ја оцени Владата, мошне тешката состојба со заразата, од вечерва во земјата стапуваат во сила нови мерки за заштита од ширењето на епидемијата, меѓу кои е карантинот и полицискиот час во општините со најголем процент на заразени.
Жартиште на епидемијата е главниот град Приштина, во кој досега се потврдени речиси десет илјади носители на коронавирусот.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција