Реална шанса за постигнување договор за ослободување на заложниците, тврди израелски преговарач
Постои „реална шанса“ да се постигне договор со Хамас за ослободување на заложниците што групата ги држи во Појасот Газа од 7 октомври, изјави за „Тајмс оф Израел“ извор од израелскиот преговарачки тим, откако израелскиот премиер, Бенјамин Нетанјаху, одлучи да испрати делегација на нова рунда преговори.
-Предлогот што го изнесе Хамас вклучува многу значаен напредок, рече изворот, откако палестинската милитантна група преку посредник му испрати на Израел ревидиран нацрт-договор за ослободување на заложниците и прекин на огнот во Појасот Газа.
Друг израелски функционер потврди дека израелската делегација на разговорите ќе ја предводи шефот на Мосад, Дејвид Барнеа.
Нетанјаху вчера свика состанок на кабинетот за национална безбедност за да се утврди позицијата на Израел во индиректните разговори, кои се очекува да започнат во наредните денови.
Нетанјаху претходно одобри испраќање преговарачки тим откако го разгледа одговорот на Хамас на последниот предлог на Израел.
Израелскиот министер за одбрана, Јоав Галант, истовремено, на семејствата на заложниците кои ги држи Хамас им соопшти дека Израел е „поблиску од кога било“ до постигнување договор за нивно ослободување, објави „Канал 12“.
Ново на Сител
-
Расчистени повеќе диви депонии во општините Сарај, Карпош, Центар, Бутел и Чаир
-
Кликс: Најмалку 10 лица загинаа во поплавите во БиХ, побарана помош од Оружените сили
-
Македонски државјанин уапсен во Косово при обид заедно со други две лица со трактор нелегално да ја премине границата
-
Приведен маж од Тетовско поради приредување игри на среќа без лиценца
-
ИДФ нареди евакуација на 35 области во јужен Либан
-
„Андроид 16“ би можел да го носи кодното име „Баклава“
-
Последен пат ја виделе неандерталците: Комета, што се појавува еднаш на 80.000 години, месецов е на небото над Земјата
-
Судот на правдата на ЕУ ја одби жалбата на забраната за давање адвокатски услуги на руски субјекти