Рама: Русите и исламистите го зголемуваат влијанието на Балканот
Русија и исламските милитанти би можеле да го зголемат нивното влијание врз балканските народи, доколу ЕУ не ги прими во својата заедницата, истакна албанскиот премиер Еди Рами во интервју за германскиот весник „Франкфуртер Алгемајне Цајтунг“.
Рама нагласи дека е во интерес на ЕУ да ги прими во членство балканските држави.
- Ако сакаме сигурни и стабилни ЕУ и Европа, не е добро да постојат пропусти. Не треба да се заборави дека постојат и втори и трети играчи, кои ги играат нивните игри и кои би можеле да профитираат доколку ЕУ во овој дел на Европа остави вакум. Зборувам за Русија, но и за радикалниот ислам, објасни Рама.
Албанскиот премиер порача дека Албанија ќе продолжи да напредува на патот кон ЕУ, но изрази сомнеж во желбата на ЕУ да прими нови членки.
- Не станува збор за тоа колку нам ни е потребно, туку колку ЕУ ќе продолжи да се развива. Во меѓувреме, ние сме политички во многу добра форма, а ЕУ не е, потенцира Рама.
„Франкфуртер Алгемајне Цајтунг“ наведува дека балканските земји се наоѓат точно меѓу Грција и Унгарија - членките на ЕУ. Хрватска и Словенија веќе се придружија на Унијата, додека Македонија, Србија, Босна и Херцеговина, Црна Гора и Албанија се земји-кандидати за членство во ЕУ. Сите овие земји се на различни нивоа за напредок на патот кон ЕУ, оценува весникот.
Меѓутоа приемот на нови членки не е повеќе на врвот на листата на приоритети на ЕУ, па дипломати од регионот истакнауваат дека Русија се обидува да го зголеми своето влијание на земјите како Македонија, Црна Гора, Србија и Албанија, додава „Франкфуртер Алгемајне Цајтунг“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово