Радев: Заштитата на воздушниот простор на Македонија е национален долг на Бугарија
Бугарија не треба да ја пропушти историската можност да го штити воздушниот простор на Република Македонија, изјави денеска бугарскиот претседател Румен Радев во Софија, пред заминувањето за Лондон каде учествува на Самитот на земјите членки на НАТО.
– Тоа не е само наш национален интерес, туку и долг кон братската Република Македонија и израз на одговорност, нагласи Радев.
Тој истакна дека додека разговорите за заштитата на воздушниот простор на земјава биле одлагани од бугарска страна во очекување на „светлата иднина“ кога Бугарија ќе има ескадрила нови авиони, Грција склучи договор за спроведување на таква мисија, пренесува БГНЕС.
Радев потсети дека изминатиов период беше постигнат договор за средба на министрите за одбрана и началниците на генералштабовите на Македонија, Бугарија и Грција, посветена на вклучувањето на бугарското Воено воздухопловство во заштитата на воздушниот простор на земјава.
– Со денешните потенцијали можеме во целост да ја исполниме таа задача без никакви дополнителни трошоци, бидејќи може да се спроведе од базата Граф Игнатиево, додаде Радев.
Ново на Сител
-
Американската компанија „Вабтек“ нова странска инвестиција во земјава
-
Кривични пријави за пет лица за „злоупотреба на службената положба“ и две лица за „несовесно работење во службата“
-
Кога бев најпопуларна бев најтажна | Сузана Гавазова | Sitel Podcast 051
-
Локализиран голем пожар на територија на општина Прилеп
-
Прекин на сообраќајот на автопатот Прилеп – Битола порди сообраќајка
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа