Радев му го врачи мандатот на Кирил Петков за состав на новата бугарска Влада
Бугарскиот претседател, Румен Радев, претпладнево му го врачи мандатот за формирање на нова бугарска Влада на Кирил Петков, копретседател на победничката партија на изборите од 14 ноември „Промените продолжуваат“.
Како што јави дописникот на МИА од Софија, претседателот Радев му посака успешен мандат во слободна, европска и просперитетна Бугарија.
Мандатарот Петков, од своја страна, изјави дека е почестен што ја презема папката со мандатот за формирање влада од претседателот на земјата.
Заедно со Петков, на чинот на предавањето на мандатот присуствуваа и вториот копретседател на „Промените продолжуваат“, Асен Василев, кандидатот за вицепремиер Калина Константинова и претседателот на пратеничката група Андреј Ѓуров.
Се очекува во 13 часот во зградата на Народното собрание првите луѓе на „Промените продолжуваат“ да ја презентираат структурата и составот на новиот Совет на министри на Бугарија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација