Радев ја критикуваше ГЕРБ за недовербата на бугарските граѓани кон вакцините
Бугарскиот претседател Румен Радев ја критикуваше ГЕРБ за недовербата на бугарските граѓани кон вакцините и управувањето со првиот и вториот бран на кризата со Ковид и тогашното затворање на Бугарија.
Тој повика и да се обезбедат бесплатни тестови насекаде и да се разгледа дали присуството на антитела не може да послужи како основа за издавање зелен сертификат. Ова се случи на вонредната средба на претседателот Радев со преодната влада формирана од него. Како што јави дописникот на МИА од Софија, министерот за здравство Стојчо Кацаров нагласи дека враќањето на децата во училишта е можно, се додека се гарантира безбедна средина.
Според него, тоа би можело да се постигне со масовно тестирање. Кацаров и вицепремиерот Галаб Донев се сретнаа со директорите на болниците во Софија и договорија дополнителни мерки за спречување на пациентите да патуваат од една во друга болница, како и отворање дополнителни кревети.
Од почетокот на учебната година во Бугарија на 15 септември до 10 октомври бројот на наставници во карантин е зголемен речиси трипати, а бројот на ученици во карантин околу петпати или околу 12.000 деца. Министерот за финансии на Бугарија изјави дека ќе ги поддржи мерките што ги преземаат неговите колеги, министрите за здравство и образование.
Ново на Сител
-
Илјадници Бугари протестираа против воведувањето на еврото во земјата
-
Десетици приведени, повредени полицајци и граѓани по протестите во Белград
-
Земјотрес утрово почувствуван во Валандово и околината
-
Најмалку 56 загинати во новите израелски напади низ Газа
-
Вучиќ прогласи победа на „студентите кои сакаат да учат“; Брнабиќ: Протестот на блокадерите заврши со повик за граѓанска војна
-
Јаневска ќе реферира за работата на Министерството за образование и наука во изминатата година
-
Претежно сончево со засилен ветер од северен правец
-
Хамнеи: Исламската нација никогаш нема да им се предаде на САД