Путин: Се надевам дека обвинителите ќе направат се терористите да бидат казнети
Претседателот на Русија, Владимир Путин, денеска изјави дека истражителите ги утврдуваат околностите на терористичкиот напад во Москва и додаде дека се надева оти обвинителите ќе направат се’ за терористите да бидат казнети.
„Се надевам дека обвинителите, во рамките на нивните овластувања, вклучително и при покренување државни обвиненија и за време на судскиот процес, ќе направат се што е потребно за криминалците да добијат правична казна.
Како што налага рускиот закон“, рече Путин на состанокот. на колегиумот на Генералното обвинителство на Руската Федерација.
Тој додаде дека безбедноста на граѓаните, зголемувањето на суверенитетот и зајакнувањето на законот и редот се уште се клучните политички цели на руските власти.
Тој најави отпочнување на националниот проект „Младите на Русија“ во чии рамки, како што рече, ќе се работи на заштита на правата на малолетниците.
„Ќе направиме се за да обезбедиме децата и адолесцентите да бидат заштитени од криминални напади и ризик да бидат вовлечени во криминална и екстремистичка средина“, рече Путин.
Во нападот на 22 март во концертната сала „Крокус“ во Москва загинаа најмалку 139 лица, а повеќе од 180 беа повредени. Одговорноста за нападот ја презеде терористичката организација Исламска држава.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера