Путин: Односите меѓу Кина и Русија се добри
Рускиот претседател Владимир Путин изјави денеска на средбата со кинескиот премиер Ли Кечианг во Пекинг дека односите меѓу двете земји имаат добра основа за натамошен развој и се темелат на меѓусебни интереси.
Според Путин, основата на билатералните односи меѓу Русија и Кина е економијата и врз тоа се гради партнерство и во други подрачја, на меѓународната сцена, во културата и образованието.
- Нашите односи ги градиме водејќи сметка за меѓусебните интереси и досега во се успеавме, истакна рускиот претседател.
Тој додаде дека двете земји имаат однос на стратешко партнерство „со добри можности за иднина“.
Кремљ се надева дека посетата на рускиот лидер на Кина ќе биде содржајна и продуктивна, а двете страни планираат да потпишат повеќе десетина договори.
Фокусот на посетата е придвижување на заедничките проекти во областа на инвестициите, развојот на земјоделството и транспортната инфраструктура, соработка во областа на економијата, трговијата, енергетиката, атомската енергија, воздухопловната и ракетно-вселенската индустрија.
Ново на Сител
-
Русија предлага втора рунда директни преговори со Украина во Истанбул в понедленик
-
САД објавија нова политика за визни ограничувања против странци кои „цензурираат“ Американци
-
Собранието го донесе Законот за ратификација на Договорот со Обединетото Кралство
-
Пред нас се неколку години со екстремно високи температури - предупредија најголемите метеоролошки служби во светот
-
Извештај на ДИА: Албанската мафија добива лидерство во шверцот со кокаин
-
Средба Сиљановска-Давкова – Токајев во Астана, изразена подготвеност за унапредување на севкупните односи со Казахстан
-
Израел го потврди убиството на лидерот на Хамас
-
Собраниска расправа за меѓувладиниот договор со Обединетото Kралство во врска со партнерство за реализација на инфраструктурни проекти