Путин ги повика Русите да се вакцинираат против Ковид-19
Претседателот на Русија, Владимир Путин денеска ги повика своите сограѓани да се вакцинираат против Ковид-19.
– Ако некој сака да се чувствува сигурно, не сака да се разболи и да има тешки последици после болеста, тогаш најдобро е да се вакцинира, наведе Путин.
Тој во вторникот се вакцинираше, но не пред камери и не откри која од трите вакцина развиени во Русија ја примил, истакнувајќи дека сите се ефикасни.
– За да се укинат рестрикциите, околу 70 проценти од населението треба да се вакцинира. Ако вакцинацијата продолжи со истото темпо како досега, верувам дека до крајот на летото ќе ја постигнеме таа бројка, посочи Путин.
Речиси четири месеци од примената на вакцината Спутник В, што е одобрена во 56 држави во светот, Русија и понатаму има потешкотии да ги вакцинира своите 144 милиони жители.
Според анкета од почетокот на март, две-третини од Русите оцениле дека Ковид-19 е „биолошко оружје“ создадено од човекот, а 62 проценти од испитаниците изјавиле дека не сакаат да се вакцинираат.
Досега само четири милиони Руси ги примиле двете дози од вакцината, а два милиони само првата, што е околу четири отсто од населението.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово