Путин ги обвини „неонацистите во Украина“ за злосторства против цивили
Претседателот на Русија, Владимир Путин денеска, по повод Меѓународниот ден на сеќавање на жртвите на холокаустот, ги обвини „неонацистите во Украина“ дека извршуваат злосторства против цивилите.
-Заборавањето на лекциите од историјата води до повторување на страшни трагедии. Доказ се злосторствата против цивилите, етничкото чистење и казнените акции организирани од неонацистите во Украина – истакна Путин.
Тој додаде дека тоа е „зло“ против кое руските војници „храбро се борат“.
За да ја оправда руската инвазија Путин во неколку наврати го осуди „геноцидот“ извршен врз рускојазичното население во источна Украина, а режимот на Володимир Зеленски го нарече „неонацистички“.
-Секој обид да се преиспита придонесот на нашата земја во Големата победа (во Втората светска војна) всушност се навраќа на оправдување на злосторствата на неонацизмот, го отвора патот за повторното раѓање на нејзината убиствена идеологија – посочи Путин.
Тој, исто така, изрази жалење за „милиони невини жртви – Евреи, претставници на други националности, кои беа убиени, мачени, умрени од глад и болести“ за време на холокаустот.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени