Пукна непробојното стакло, а милијардерот гледаше како губи милиони: Маск во еден ден изгуби 770 милиони долари

Директорот на компанијата Тесла Илон Маск доживеа пех во текот на претставувањето на електричниот камионет Сајбертрак кога наводно пукнаа непробојните стакла на возилото, поради што тој речиси инстант загуби голем дел од своето богатство.

Шефот за дизајн во Тесла, Франц фон Хозхаусен фрли метална топка во текот на демонстрацијата во левиот преден прозорец, а стаклото неочекувано пукна пред очите на сите.

Акциите на компанијата Тесла изгубија вредност по инцидентот, така што Маск остана без речиси 770 милиони долари, објави Форбс.

Меѓутоа и покрај овој инцидент, Тесла прими речиси 150.000 пораки за ова футуристичко пикап возило.

Маск има 48 години и моментално е 41. на листата најбогати личности во светот.