Пуџдемон: Јас сум претседател на Владата на Каталонија
Сменетиот каталонски лидер Карлес Пуџдемон ја повика шпанската Влада да му дозволи да се врати во Шпанија за да присуствува на првата седница на новиот каталонски Парламент и да стане нов лидер на Каталонија.
Сепаратистичките партии освоија тесно мнозинство во Парламентот на неодамнешните регионални избори, но се уште е неизвесно дали Пуџдемон и другите приведени лидери ќе можат да присуствуваат на седниците на Парламентот.
- Сакам да се вратам во Каталонија што побргу. Би сакал да се вратам веднаш. Тоа би била добра вест за Шпанија, рече Пуџдемон во интервју за една светска агенција.
На прашањето дали ќе се врати на време за првата седница на Парламентот која треба да се одржи најдоцна до 23 јануари, тој рече тоа би било „природно“.
- Ако не ми се дозволи да положам заклетва како премиер, тоа би била голема аномалија за за шпанскиот демократски систем, рече Пуџдемон.
- Јас сум претседател на регионалната влада и јас ќе останам претседател ако шпанската држава ги почитува резултатите од гласањето, истакна тој.
Пуџдемон кој ја повика шпанската Влада на дијалог за да се решат тензиите меѓу Барселона и Мадрид, рече дека е подготвен да ја сослуша секоја понуда на премиерот Маријано Рахој, дури ако е тоа и помалку од независност.
- Ако шпанската држава има предлог за Каталонија, треба да го слушнеме, рече Пуџдемон додавајќи дека сака дијалог на еднакви.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид