-->
-->
Први мај, денот кога загина легендарниот Сена
-->
Празникот на трудот, 1 мај 1994 година, ден кој засекогаш ќе остане во мислите на секој љубител на Формула 1, и на спортот воопшто. На денешен ден, легендарниот Аиртон Сена го напушти овој свет по несреќата во седмиот круг на трката за Големата награда на Сан Марино.
Смртта на легендарниот Бразилец буквално го потресе целиот спортски свет, бидејќи во тоа време тој беше една од најпопуларните спортски фигури. Во неговиот роден Бразил беше прогласена тридневна жалост, а стотици илјади луѓе дојдоа во Сао Паоло на неговиот погреб.
Неговата смрт беше кулминација на „црниот викенд“ на „Имола“, кој започна со тешката несреќа на Рубенс Баричело на петочниот тренинг. За среќа, пилотот на Џордан се спаси само со повреда на раката. Ден подоцна, сепак, австрискиот дебитант Роланд Раценбергер немаше толку среќа и почина по страотниот удар на „Вилнев“.
По смртта на Сена, тогашниот претседател на ФИА, Макс Мозли, воведе драконски безбедносни мерки. Вештачките шикани се додадени на некои од побрзите и поопасни свиоци во шампионатот, вклучувајќи ја и „Црвената вода“ на патеката „Спа“, за да ги направат автомобилите побавни.
Аиртон Сена го напушти овој свет на 34 години откако освои 65 пол-позиции, 41 победа, 80 подиуми и три светски титули во Формула 1.
-->
-->
-->
Ново на Сител
-
Агрон Речи поднесе неотповиклива оставка од функцијата државен правобранител
-
Се гасне пожарот кај месноста Вртена Скала, Пехчевско, вклучени хеликоптери на АРМ
-
Поднесено обвинение против Љупчо Палевски за убиството на Вања и Панче
-
Постигната рекордна премија во играта на среќа ЛОТО 7
-
За една недела отстранети 103 непрописно паркирани возила во општина Центар
-
Таравари: ДУИ не можат да прифатат дека се опозиција, па организираат приватни журки
-
Мицкоски: Во јули собравме 7,6 милиони евра од патарини - 250.000 повеќе од лани
-
Пожарот во Атика се уште беснее - Драмата во Грција не запира