Прва официјална средба на Ахмети и Мицкоски
Актуелната политичка и економска состојба во Македонија, реформите, спорот за името и односите меѓу власта и опозицијата, ќе бидат некои од темите на денешната прва официјална средба на лидерот на ДУИ Али Ахмети со новиот претседател на ВМРО-ДПМНЕ Христијан Мицкоски.
Мицкоски завчера рече дека очекува средбата да биде успешна.
-Тоа ќе биде наша прва официјална средба откако сум јас претседател на ВМРО-ДПМНЕ иако веќе имавме неколку средби, најпрво во Клубот на пратеници, па една полуофицијална средба заедно со претставници на меѓународната заедница. Се договоривме да се видиме и еве, таа средба ќе се оддржи во сабота. Ќе се обидеме да дискутираме за реалните проблеми, за актуелната политичка и економска ситуација во државата,..., изјави Мицкоски, одговорајќи на новинарски прашања во Стопанската комора.
ВМРО-ДПМНЕ, додаде, има свои факти и аргументи за многу прашања за подобрување на животот на граѓаните кои ќе ги презентира на средбата.
- Ќе видиме како ќе ги презенитраме тие факти и аргументи во насока на подобрување на квалитетот на животот на граѓаните зашто тоа е основна и елементарна цел на нашето политичко делување, моја како претседател, но и на раководството на партијата - како од оваа земја да направиме подобро парче за живеење. Тоа е нашата основна цел. Гол популизам и ниски страсти нема да практикуваме, истакна Мицкоски.
На средбата не се очекува да стане збор за законот за јазиците, зашто, како што изјави синоќа на телевизиска дебата Артан Груби, тоа за ДУИ е завршена работа
Ново на Сител
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат
-
Владата на САД го одзема правото на Харвард да запишува странски студенти
-
Трипуновски: Новиот Закон за земјоделство и рурален развој на ЕНЕР, акредитацијата на ИПАРД 3 не е загрозена
-
Мексико се уште преговара со Трамп за царините
-
Холандската централна банка до граѓаните: Секое домаќинство да има кеш - 70 евра по возрасен и по 30 евра по дете
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто