-->
-->
Прв пораз на младата македонска кошаркарска репрезентација на ЕП
-->
Младата македонска кошаркарска репрезентација го претрпе првиот пораз на Европското првенство во Унгарија.
Во натпревар од 1.коло на новоформираната (четвртфинална) група Ф, во Б дивизијата на ЕП за играчи до 20-години, македонските кошаркари попладнево се поразено од домашната селекција на Унгарија со 45:63.
Иако во првото полувреме нашите јуниори го контролираа резултатот и на пауза заминаа со поен предност 32:31, сепак лошо одиграниот трет период кој го загубија со 8:15, се покажа како клучен за конечниот исход на повој меч.
Андреј Магдевски одново беше најефикасниот наш кошаркар, а средбата ја заврши со 20 поени, 5 скокови и 6 асистенции.
Забележителен настап имаа и Љубомир Младеновски и Филип Бакоч кој средбата ја завршија со „дабл-дабл„ ефект. Младеновски покрај 13 поени имаше и 10 скокови, а Бакоч на 12 поени придодаде 11 скокови.
Утре (15.45 часот), нашите јуниори за противник ќе ја имаат селекцијата на Шведска која вечерва ќе игра против Белорусија.
На табелата: Унгарија 3 бодови, Македонија 3, Шведска 2 и Белорусија 1.
Потсетување дека првопласираните две селекции од четвртфиналните групи ќе обезбедат пласман во полуфиналето, а само финалистите ќе се изборат на настап во посилната „А“ Дивизија.
-->
-->
-->
Ново на Сител
-
Манчестер Сити објави големи промени во штабот на Гвардиола
-
Пау Кубарси е „Златно момче“: Дефанзивецот на Барселона прогласен за најдобар млад фудбалер во Европа
-
Челси по пресврт до титулата во Лигата на Конференциите
-
Рубио: САД ќе почнат да ги поништуваат визите за кинеските студенти
-
Федерален суд во САД ги блокираше царините наметнати од Трамп, тој веќе поднесе жалба на судската одлука
-
Маск потврди дека ја напушта администрацијата на Трамп
-
Трајко Славески е новиот гувернер на Народната банка на Република Северна Македонија
-
Собранието ќе одржи седница за пратенички прашања