Протокот на лава од вулканот на Ла Палма станува посилен и побрз
Протокот на лавата од вулканот на шпанскиот остров Ла Палма денеска стана посилен и многу побрз, јави ДПА.
Вулканолошкиот институт на Канарските острови, Инволкан информира за „цунами од лава“, коментирајќи видеа од вулканот. Сепак, геологот Хозе Мангас, професор на Универзитетот во Лас Палмас де Гран Канарија, нагласи дека оваа слика е донекаде искривена.
– Во овој случај, не можеме да зборуваме за цунами, туку за текови на лава, со температура од повеќе од 1.200 степени Целзиусови, кои течат многу брзо поради стрмниот терен, изјави тој за државниот ТВ канал РТВЕ.
Вулканот еруптираше на 19 септември за прв пат по 50 години. Ерупцијата стана поинтензивна во последните денови, со повторени експлозии што фрлаа магма во воздухот, а чад се крева и до неколку километри висина.
Експертите велат дека не е можно да се предвиди кога ќе запре ерупцијата.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица