Против „јазлеста кожа“ вакцинирани 160.000 говеда
Околу 160.000 говеда или приближно 60 отсто од вкупниот број грла, 250.000, се вакцинирани досега против „јазлеста кожа“, изјави денеска директорот на Агенцијата за храна и ветеринарство (АХВ) Зоран Поповски по посетата на Штип.
Процесот се одвива успешно и без никакви проблеми на теренот, а треба да заврши до крајот на месецов.
- Болеста стагнира, односно се стопира со вакцинацијата која досега опфати околу 155.000 до 160.000 грла или 60 отсто од вкупната популација говеда. До крајот на овој месец треба да се изврши целосна вакцинација на сите грла на добиток, рече Поповски.
Според него, некои сточари, поради бизнис интереси или под влијание на членови на опозицијата, не ги даваа своите говеда заразени со „јазлеста кожа“, поради што болеста се рашири низ источниот и северниот дел на земјата.
- Луѓето не ги даваа на време животните па болеста, наместо да се стопира, се прошири скоро кај сите. Има примери каде луѓето не ги пријавуваа заболените животни на време плашејќи се дека ќе бидат одземени, беа манипулирани, навремено не ги пријавија. Во тој момент ќе одземевме само едно или две грла за разлика од сега, кога треба да ги одземеме сите 30 или 40 од едно стадо. Тоа е голема штета што им е направена на одредени сточари, а не ги послушаа нашите препораки за навремено да реагираме со цел да ги заштитат останатите животни, истакна Поповски.
Директорот на АХВ потенцира дека досега се одземени и нештетно отсранети околу 2.100 говеда. Оваа бројка, додаде, може да биде поголема иако болеста стагнира, токму поради нејзиното ненавремено пријавување.
Ново на Сител
-
Кремљ соопшти дека во оваа фаза не е планирана средба меѓу Трамп и Путин во Саудиска Арабија.
-
Државна матура ќе се полага во училиштата кои имаат просторни услови, за сите други тестирањето ќе биде на факултетите
-
Тројца пациенти денеска се враќаат од Шведска и Грција
-
Роднина со пиштол под закана го држел во заложништво барајќи да го вработи и да му препише возило
-
Палчо бил мемориран како „Царот“ во телефон на Кешишев
-
Во Брисел утре состанок на министрите за надворешни работи на НАТО
-
Се изготвува новиот Закон за пожарникарска служба, по што ќе бидат зајакнати капацитетите на пожарникарските служби, најави Мицкоски
-
Директорот на БЈБ при МВР Јанев ја отвори работилницата на Интерпол која денеска и утре се одржува во Скопје