Прослава во Северна Кореја по повод успешната проба на првата хидрогенска бомба
Десетина илјади севернокорејски војници и цивили се собраа денеска на плоштадите и во салите на Пјонгјанг со цел, во организација на државата, масовно да го прослават изведувањето на четвртата нуклеарна проба.
Луѓето танцувале по улиците, а државните медиуми јавуваат дека на прославата присуствувале и високите членови на државното раководство вклучувајќи го и премиерот Пак Понг Ју, пренесува Танјуг.
Најмногу граѓани, околу 100.000 според проценките на државните медиуми, се собрале на плоштадот „Ким Ил Сунг“ кој е именуван по покојниот основоположник на земјата и дедо на сегашниот лидер Ким Јонг Ун.
- Воодушевено го славиме историскиот национален настан на успешно изведена прва проба на хидрогенска бомба, пишувало на транспарентот под кој стоеле севернокорејските војници.
Се уште не е познато дали на прославата присуствувал и севернокорејскиот претседател Ким.
Официјален Пјонгјанг пред два дена соопшти дека ја извеле својата прва успешна проба на минијатурна хидрогенска бомба, што се уште не е потврдено, но следеа осудувања од сите страни на светот.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници