Проширување на крстосницата на улиците „Благоја Стефковски“ и „Жан Жорес“
Екипи на ЈП „Улици и патишта“ денеска почнаа со проширување на крстосницата на улиците „Благоја Стефковски“ и „Жан Жорес“ во населбата Маџари. За реализација на овој проект Град Скопје ќе одвои околу 4,5 милиони денари. Градежните работи се очекува да завршат за околу два месеци.
Градежните работи ги означија градоначалникот на Град Скопје Коце Трајановски и директорот на ЈП „Улици и патишта“ Синиша Ивановски.
- Оваа крстосница со години претставува црна сообраќајна точка на која секојдневно се создава голем сообраќаен метеж и се формираат колони возила, особено при вртењето во лево кон населбата Ченто. Улицата „Благоја Стефковски“ при влегувањето во крстосницата ќе се прошири и ќе се формира посебна лента за вртење во лево и посебна лента за движење право, од двете страни на крстосницата, рече Трајановски.
Новопроширениот коловоз во крстосницата ќе биде на површина од околу 1.200 метри квадратни. Со овој проект, како што рече, ќе се овозможи растоварување на сообраќајот на оваа крстосница, ќе се скрати времето на патување и ќе се придонесе за заштита на животната средина.
Трајановски апелираше до граѓаните да покажат трпение додека траат градежните работи на оваа крстосница и да ја приспособат брзината на движење на условите на патот.
Во текот на градежните работи за проширување на крстосницата меѓу улиците „Благоја Стефковски“ и „Жан Жорес“ на терен ќе се направи ископ, ќе се вгради тампонски слој, новопроширениот коловоз ќе се асфалтира и ќе се обележи хоризонталната сигнализација. По проширувањето на крстосницата ќе се уредат и тротоарите.
Ново на Сител
-
Кривична за сопственик на фирма, работник без работна дозвола се заглавил во работна машина и починал
-
Лишен од слобода албански државјанин на ГП „Блато“, понудил поткуп на полицаец
-
ОЈО отвори истрага против 21-годишен скопјанец, во претрес на таванска просторија во зградата каде живеел пронајдена дрога и оружје
-
Малолетник нападнат од неколку лица на автобуска станица во Центар
-
Муцунски: Посветени сме на реформите, но очекуваме и Брисел да го исполни она што го вети кон Западниот Балкан
-
Бесент: Мислам дека Путин е воен злосторник, но со него треба да преговараме
-
Чешкиот претседател ги гледа истите елементи во денешниот свет што ја предизвикаа Втората светска војна
-
Директор на „Колекторски систем“ во Охрид го оштетил претпријатието за скоро 3 милиони денари