Пропаднаа обидите за изолација на Русија, според претседателот на руската Дума

Пропаднаа обидите за изолација на Русија од светот, оцени денеска претседателот на руската Државна дума, Вјачеслав Володин. 

- Обидите за меѓународна изолација и во политичка и во економска смисла, пропаднаа, оцени Володин. 

Претседателот на Долниот дом на рускиот Парламент смта дека денес расте разбирањето во меѓународната заедница дека обидите да се зачува униполарен свет се „опасни и залудни“. 

- Ова земја денес динамично се развива, ја јакне својата позиција во светот, активно бранејќи ги идеалите блиски на целото човештво, правата и слободите на човекот. Освен тоа се зголемува бројот на земјите, кои ги поддржуваат нашите позиции за главните прашања на меѓународната политика, нагласи Володин.

Според него светот се менува и станува јасно дека претходните верзии на глобализацијата „западнале во ќор сокак“.

- Ситуацијата во која официјалните финансиски институции ги потиснуваат интересите на општеството, основните демократски норми и принципи, културниот и националниот идентитет, е неприфатлива, порача Володин.