Промоција на водич за терминологијата за родово базирано насилство
Презентација на „Водич во терминологијата за родово базирано насилство за новинари и медиумски работници“ ќе се одржи денеска во Скопје во организација на Националната мрежа против насилство врз жени и семејно насилство - Глас против насилство.
Настанот е дел од активностите во рамки на проектот „Насилството врз жените и медиумите: Унапредување на техниките за известување и медиумска покриеност на случаи на насилство врз жените“.
Целта е унапредување на соработката на граѓанските асоцијации и медиумите во насока на подигнување на свеста кај пошироката јавност за постоењето различни форми на насилство врз жените, како и заеднички настап во процесот на застапување за ратификација на Конвенцијата на Советот на Европа за спречување и заштита од насилство врз жени и домашно насилство.
Проектот е финансиран со грант од Програмата Цовика Мобилитас, проект на Швајцарската агенција за развој и соработка за поддршка на граѓанското општсество во Македонија, кој го спроведуваат НИРАС од Данска, Македонскиот центар за меѓународна соработка и Шведскиот институт за јавна администрација. Го спроведува Националната мрежа против насилство врз жени и семејно насилство - Глас против насилство во соработка со Здружението на новинари за човекови права.
Ново на Сител
-
Навивачи на АЕК предизвикаа инцидент во финалето против Алкалоид
-
Зеленски му испрати писмо на Трамп со предлози за соработка во областите на одбраната и трговијата
-
Алкалоид го совлада АЕК во првиот натпревар од финалето во ЕХФ Европскиот куп
-
Во амбасадата во Пекинг одбележан Денот на сесловенските просветители „Свети Кирил и Методиј“
-
Мицкоски за договорот со В. Британија: Ниту било побарано од мене, ниту ми паднало на памет градење мигрантски кампови
-
Папата Лав Четиринаесетти го прими Зеленски
-
Зеленски се сретна во Венс и Рубио во Рим
-
Скопјанец ограбил казино и ја нападнал вработената