Промоција на книга од академик Нада Поп-Јорданова
Во Паркот на книгите вечер од 19 часот ќе биде промовирана најновата книга од академик Нада Поп-Јорданова „Пораки за животот, здравјето, проблемите...“.
Како што објави издавачот „Матица“, авторката во ова дело отвора многу прашања актуелни за современото живеење и воедно дава едноставни, конкретни и концизни одговори.
- Како да ја развиеме емоционалната интелигенција кај младите, дали перфекционизмот е болест, за синдромот на недостиг на внимание, за семејното функционирање, за несоницата на нашето време, дали стравот е само одбрана или..., како да го подобриме емоционалното здравје.... Книгата е наменета за децата и младите, за возрасните и за старите, соопшти „Матица“.
Академик Нада Поп-Јорданова работниот век го помина како професор по медицина, медицинска психологија и етика, невропсихологија и развојна психологија на Клиниката за детски болести во Скопје.
Автор е на тринаесет книги од областа на медицината, како и на бројни статии објавени на повеќе странски јазици. Член е на Светската, Европската и на Њујоршката академија за наука, а за редовен член на МАНУ е избрана во 2012 година. За својата долгогодишна педагошка и научна дејност добитник е на национални и меѓународни признанија.
Книгата „Пораки“ ќе ја промовира академик Катица Ќулафкова.
Ново на Сител
-
Кривична против тројца штипјани, во зграда нападнале лице при што употребиле електрошок
-
ОЈО Куманово ги чека извештаите од извршените контроли за случајот со починатиот кумановец
-
Ограбена менувачница во Скопје за 10 илјади евра
-
Кај тројца од жртвите во пожарот во Кочани имало и изгореници од четврти степен, а кај четворица скршеници на ребра и задушување од притисок при стампедо
-
На патот Неготино-Градско во возило „рено клио“ пронајдени пет мигранти од Египет
-
Тошковски: Не можам да се сложам дека актуелни носители на функции не се дел од истрагата за пожарот во Кочани
-
Две деца на возраст од 11 и 13 години се оддалечиле од Детско село
-
Црвен крст: Досега собрани 48.172.115 денари