Прогласена тридневна жалост поради пожарот во ноќниот клуб
Владата на Романија прогласи тридневна жалост поради пожарот во ноќниот клуб во Букурешт, при што загинаа 27 луѓе.
Несреќата се случи откако изби пожар во ноќниот клуб „Колектив“ во Букурешт. Тоа е една од најголемите несреќи во Букурешт во последните неколку децении. Пожарот бил предизвикан од пиротехнички средства за време на концертот на романската хеви метал група „Goodbuy to gravity“. На концертот присуствувле околу 400 луѓе.
Во инцидентот повредени се околу 200 лица, од кои 146 се хоспитализирани поради изгореници, вдишување на чад и други повреди. Според болнички извори, деветмина од повредените се во критична состојба, како и пејачот и басистот на групата.
Огнот прво зафатил еден столб, а потоа и таванот на објектот. По избувнувањето на пожарот настанало стампедо.
- Ова е многу тажен момент за нашата нација, напиша на Фејсбук романскиот претседател Клаус Јоанис.
Тој изјави и дека има докази оти ноќниот клуб не се придржувал до безбедносните правила.
- Ние веќе имаме докази дека не биле почитувани законските одредби. Се надевам дека властите ќе спроведат брза и решителна истрага, посочи Јоанис.
Ново на Сител
-
Франција планира европска „иницијатива“ за прекин на конфликтот меѓу Иран и Израел
-
Нетанјаху му се заблагодари на Трамп за „поддршката“ во војната против Иран
-
Израел пред празни трибини на Европската златна лига во Струмица
-
Русија го зголемува военото присуство на границата со Финска
-
Постапка против 23-годишник осомничен за тешка кражба во износ од 296.000 денари
-
Уапсен 21 годишник, фрлил ќесе со дрога па се обидел да избоде полицаец
-
Три лица повредени меѓу кои и малолетник по пресметка со ножеви во Чаир
-
Сите осомничени за падот на бетонската настрешница во Нови Сад ослободени од притвор