Продолжуваат протестите во Холандија поради карантинот
Во Холандија четврта вечер по ред се протестира против мерките за карантин, додека излозите на некои продавници беа забарикадирани, а нивните вработени испратени дома порано од безбедносни причини.
Властите ги повикаа родителите на тинејџерите да не ги пуштаат да излегуваат, предупредувајќи дека може да завршат со кривично досие и да добијат огромни казни за уништување автомобили, продавници и јавен имот.
Полицијата беше повикана за сузбивање на немирите во повеќе од десет градови.
– Сме имале протести во минатото, но ретко се случувало да се одржуваат неколку ноќи по ред во градовите низ целата земја, рече портпаролката на националната полиција.
Таа објасни дека тие не се одржуваат само во области за кои се знае дека се проблематични, туку дека се многу пораспространети.
Холандската полиција синоќа уапси повеќе од 180 лица кога групи демонстранти започнаа да палат оган, фрлаат камења и ограбуваат продавници во неколку градови. Досега се уапсени повеќе од 470 лица, а полицијата користела водени топови во повеќе градови.
Болницата во Ротердам ги предупреди роднините и пријателите на пациентите да не доаѓаат откако претходните денови демонстрантите ги нападнаа болниците во повеќе градови.
Десетмина полицајци се повредени синоќа во Ротердам.
Во Холандија во саботата стапи на сила полициски час, првпат по Втората светска војна, и покрај фактот дека бројот на новозаразени се намалува, откако Националниот институт за здравство соопшти дека новиот вид откриен во Велика Британија претставува третина од новите случаи.
Училиштата и продавниците кои не продаваат основни намирници беа затворени во средината на декември, а кафулињата и рестораните два месеца пред тоа.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп