Продолжува состанокот на Мешовитиот парламентарен комитет РМ-ЕУ
Мешовитот парламентарен комитет Република Македонија – ЕУ, кој се состанува по 17-ти пат, денеска продолжува со работа во Стразбур, под заедничко претседавање на претседателката на македонската собраниска делегација, Соња Мираковска и претседателот на делегацијата на ЕП, европратеникот Андреас Шиедер.
Како што јави дописникот на МИА од Стразбур, по вчерашните дискусии и рамена на мислења со претставниците на Европската комисија, односно Директоратот за европска соседска политика и преговори за проширување и Одделот за Западен Балкан на Европската служба за надворешни работи, и со заменик министерот за надворешни работи Андреј Жерновски, денеска, на вториот ден од состанокот, ќе стане збор за владеењето на правото, судските реформи, борбата против организираниот криминал и корупцијата и изборниот систем и предложените реформи во тој домен.
Во македонската собраниска делегација покрај Мираковска, се и пратениците Бетиане Китев, Жаклина Лазаревска, Никола Попоски, Шпреса Хадри, Ивана Туфегџиќ, Иван Стоиљковиќ и Мерал Узеири Ферати.
Ова е прво заседание на Мешовитиот комитет со новоизбраниот состав на делегацијата на Европскиот парламент и најверојатно последен за составот на македонската собраниска делегација пред претстојните парламентарни избор.
На крајот на состанокот се очекува да бидат усвоени Завршни препораки кои се упатуваат до институциите на Република Македонија и на Европската унија. Меѓу предложените препораки е и повикот до сите земји членки на ЕУ „да се заложат да донесат позитивна одлука што е можно поскоро“ за започнување на пристапните преговори со земјава и Албанија, најдоцна до состанокот на Советот во март 2020 година.
Ново на Сител
-
Финансиска полиција: Внимавајте на фиктивни платформи кои нудат брза заработка и вложувања во крипто-средства
-
Не сакам да гледам слики од децата што ги убив, изјави момчето убиец од Рибникар
-
Уапсени петмина малолетници уапсени во Сараево поради лажни пријави за бомби – утрово нови закани
-
„Бизнис Лидер“ ги награди најуспешните македонски компании за 2023 година
-
Уапсен платен убиец во Белград
-
Пронајдени мигранти во гевгелиско, приведени две лица
-
Полициска акција во угостителски објект во Охрид
-
Инспектори од Град Скопје затекнале лица кои создавале депонија на приватен имот и ја палеле