Приведени двајца крадци, расчистени три кривични дела

По преземени мерки и активности и обезбедени докази, на 17.12.2023 во Скопје, полициски службеници од Единицата за интервентна полиција при СВР Скопје ги лишиле од слобода Б.О.(35) и 27-годишната М.Ј., двајцата од Скопје, поради сомнение дека сториле три кривични дела.

Имено, на 18.11.2023 тие извршиле „тешка кражба“ на дрзок начин, при што од жена одзеле чанта, на 04.10.2023 извршиле „кражба“, при што од возило одзеле лап-топ компјутер и на 13.09.2023 извршиле „кражба“, при што од женско лице одзеле мобилен телефон.

Со двајцата биле извршени службени разговори, а по целосно документирање на случаите, во координација со јавен обвинител, против нив ќе биде поднесена соодветна пријава.